تكريم مدير احوال الرس الاستاذ / سعود العضيله من اهالي وأعيان الرس

بواسطة admin 21-07-1431 02:44 مساءً 1778 زيارات

(المرسل / راكان الجبيل)

كرّم أهالي وأعيان محافظة الرس مدير احوال الرس سابقا الاستاذ / سعود سعدون العبداني العضيله وذلك بعد ماخدم فترة طويلة مديرًا لأحوال الرس وعلى مابذل من جهود جبارة بمجال عمله يشهد بها الجميع وكان ممن تكفل بالحفل مدير أحوال الرس الجديد الأستاذ : عبد الله صالح الدعيجي وزميله الأستاذ : سامي محمد الجدعي ولا ننسى الأستاذ : احمد العامر لتبرعة بإقامة الحفل بقاعة مسايا على نفقتة الخاصة .. نترككم مع صور من الحفل :

مدير احوال الرس الاستاذ القدير / سعود بن سعدون العضيله \"ابوفهد\"

وفي اثناء الحفل ابى الشاعر صالح بن عتيق الحنيني الى ان يضع بصمتة على الحفلة وذلك بأبيات شعرية تكريمًا للأستاذ سعود بن سعدون المطيري اسماها \"درع الشدايد :

ســلام مـني عـدد ما شـعشـع الـنور=وإعـداد ماهـلت مـزون الخيالي
دافع وفاء لآبن الـنشامى ومشكـور=الـنادر الـي ماكــره بالـعـوالي
ابن الرجـال الـي لـهم با الوفاء دور=مـن روس ربـع يحـتمون التوالي
امـطير حمـران الـنواظـر لهـم سور=واللي يتذرى بســورهـم ما يبالي
الشجـرة الي عـل يـبقـا لها جـذور=الـدوحة الـــي للـنـشامـى ظلالي
لسعـود بن سعــدون ما نجـحـد النور=ولا ننكر المعروف بأول وتـالي
وانته على المعروف والطيب مأمور=لجـل تسوق الجاه هو والـريالـي
مـيقـافـكم فـي صفنا عــز وسـرور=ومتعب على ساعدك عد الطوالي
أمـدحــك واثنـي لامــطـفـف ولازور=واقولها فـي كل وقـت ومـجالي
مانـته خـفـي يابـن الأجـواد مشهور=على العـدو مـر وللأصحاب حالي
يــفداك مـن جـنب عـن الراي والشور=من نايد الـعـربان والا المـوالي
الــي يصـد بحـزت الــضيـق ويـــبور=هــذاك جـلـه للـفناء والـزوالي
واصفح وسامح كان قافي به كسور=بالشعر اناعليمي على قد حالي
وخــتامهــا يابو فهد دمت مذخور=درع الـشدايد واكــتراب الحبالي